احبك والفرح بعدين
عمري كله عيون تحلم00
مشتعل بالورد طولك00
عيني للدمعه وطن00
راد جفي يزيح طيفك00
صاح00 وجفوفي انمحن
##############
ولكينا السوالف خيطهن مكطوع
سولفنه الفرح وادمنّه طعم الخوف
وخضّر بشفتي فرحها
وللخبز صوت الجفوف
كعدنه بسد شفايفنه
وكطعنه غصن 00 نروح لو مانروح
لا ما نروح
بعد نبض الكلب محتاج شمة هيل
حلمنا نمد جسر لكلوب كل الناس
نهز جذع الهوى المكتول
ونغني 0000
نكلت كلبي اعله دربك -:
غنوه وي نكلت خطاك
وعلمت شعري الرمادي
يهيم بس لو مر هواك
اسري بكليبي اعله كيفك
انته معراجك ضواك
وخلها يمّي0000
تنزع اثياب السفر00نجمه هواك000
*******************
ادفن السر على الضفه
واسرج سنين التعب 00مهره جديده
وفزن ثلاثين نجمه
نجمه طفله00 تلعب بموكد رماد
وهب على الموكد هوى
ونجمه منفيه بصحن غربه وحنين
ونجمه منسيه تريدك تشتل اعيونك على اطراف السما
ونجمه نزلت يم دواوين الهوى العذري تدور مزهريه
ونجمه كطعت من ورد رسمك عطر
حايط نجوم يتمايل 00 لن نزيز الخوف ظل يهمش جروفه
وحفنة انجوم انجفت عد عتبة الياريت
وانته ولا نجم باريت
احبك والفرح بعدين
جرّبت اللهب 00 بالجمر بالعطاب
قرّضني من زيتك00 ارد اوج بالدين
يابس000 اجروحي خضاري
وركي دمع المستحين
ولو دك الفجر بيبان
منهو بالشمس يفرح؟
اذا وجه الصبح حزنان
احبك والفرح بعدين
الم كل الدموع00 والها اصيرن عين
احبك والفرح بعدين
الرئيسية 
أحدث الصور 
التسجيل 
دخول 
الثلاثاء 21 أغسطس 2012, 14:23 من طرف حكمت البيداري
موضوع: احبك والفرح بعدين شعر شعبي عراقي 
