أمي شعر شعبي عراقي

امي

امي بسنين العجاف
نكتفي بريحة حضنها ..
ومن نجوع،
تثرد الجوع بلبنها!!
ولو عطشنه ..
تعصر عيون العطش وتجيبه ماي
وتحلب الصيف وتشربنه نده!!
وتطحن برحة صبرها ..
العوز وتسويه غده
* * * *
امي اخذ لونه الفرح من لونها
امي اخذ لونه الحزن من لونها
امي كاس ايامي حنظل
شنته بليمونها ..
ترفع بچفها لواء اسمه الحنان
وقربة العباس ماي عيونها
مره حزنت ..
حيل حزنت ..
لان خاصمنه الرغيف
نزل قرص الشمس حافي
ومدد بماعونها !!
ومن تسولف تمطر الدنيه دفو
ولو بچت تترس غطانه حمام
وتحط دمعتها مخدّه
فقره .. ما عدنه سرير
من عصر تفرش جفنها
وتضم دمعتها ضوه بجيب الليالي
ولذلك من يمرنه الليل بخدوده وشم
ومن تلولي..
تستحي منها الحروب
الشجر ينزع ضحكته ويلبس ثياب الغروب
والقذايف تعتنق دين الورد
والعراق يصيح
غطوني .. برد
والنخيل يقدم بصينيه عمره
ومن تهز كاروكنه ..
تنام المجره
امي …
مدري من الوسن عجنوا جفنها
مدري من جفن امي معجون الوسن؟
مدري من طين الوطن مخلوقه أمي؟
مدري من طين امي مخلوق الوطن؟
امي ..
جنة اليدخل بلايه حساب
وجنة الله تريد من عندك مهر
وامي كعبه..
اتشيدت حب وحنان
وكعبة ابراهيم من طين وحجر!!
وامي من تنعه (يوليدي)
تردد وياها المسله ..
ويوكَف بطوله الفرات
بروح ابوچ يــكَلها (عيدي)

امي ..
لو صلت.... مناره ..
يصلي وياها الشجر

امي لو تنسه الاذان
يصير مذهبنا حجر
ومن نغيب..
توكَف عله الباب صفصافه حزينه
وتظل تدعي ..
وتظل تدعي ..
ربي يرجع بالسلام
مره رديت ولكَيت مبيّض بچفها الحمام !!!
امي خاف يمسنه سوء
تعوف قرآن العشگ وچفوف اديها ..
امي من اتروح يعني نموت جوع
ولهذا اتعوف كل مره ثديها !!
- ويوم ترحل
يرحل وياها الرحيل
العصافير برجاها ..
امي من تمشي النهر ينحب وراها
وعافت بـ(باب)الحنيه
معلــّگ ويندب كَلبها..
وخاف نحزن خلت عله الرف دمعها
ومره دورنه الغراض
الكَينه دمعتها وضلعها !!!

عضو نشط عدد الرسائل : 18 تاريخ التسجيل : 01/12/2008

عماد المطاريح كتب:: امي

مدري من طين الوطن مخلوقه أمي؟
مدري من طين امي مخلوق الوطن؟
امي ..
جنة اليدخل بلايه حساب
وجنة الله تريد من عندك مهر
!!!

سلمت ايها الراثع
كلمات رائعة
انت نفخره شعرية عراقية كبيره
دم كبيرا ورائعا

مما يسعدنا ويرجع الامل بوجود شعر حقيقي هو اشعار سيد الشعر السيد عماد المطاريحي

امي ملحمة شعرية رائعة جاد بها الشاعر المتالق عماد المطاريحي
جملية في معانيها ...رائعة في صورها
شكرا لشاعرنا المبدع وننتظر المزيد

عضو نشط عدد الرسائل : 30 تاريخ التسجيل : 11/12/2008

تحية محبه واعتزاز لعماد المطاريحي ...وبوركت ام انجبتك ..تقبل مروري واعجابي الدائم

العزيز رحيم كميل شكرا لمرورك ولرأيك الكريم
تقبل تحيتي

الاخ علي كريم
شكرا لمرورك الكريم
تقبل تحيتي

العزيز ابو خالد (وليد خالد )شكرا جزيلا لك وتحية ومحبة

عضو نشط عدد الرسائل : 28 تاريخ التسجيل : 11/12/2008

لقد تشرفت بسماع هذه الملحمة الشعرية في احدى المناسبات في البيت الثقافي بصوت السيد عماد ولكني احببت ان اقراها مرة اخرى لاحساسي بدفء ابن الفرات فيها ولانها معبرة عمايسكن في قلوبنا واحاسيسنا من صورة لامهاتنا الفراتيات شكرا سيدي الكريم وتقبل مروري

الرائع وليد قحطان
اسعدني مرورك وتعليقك شكرا جزيلا

» استفتاءات شعرية شعر شعبي عراقي
» احبك والفرح بعدين شعر شعبي عراقي
» العش والحطاب عماد المطاريحي شعر شعبي عراقي
» روحي داية شعر شعبي عراقي عماد المطاريحي
» الى الجيش العراقي الباسل بمناسبة ذكرى تأسيسة ...شعر شعبي عراقي