قصيدة الشاعر عبد الامير الفتلاوي

قصيدة عبد الامير الفتلاوي يصف زوجتة التي قتلها عن طريق الخطأ
اتمنى ان اكون اضفت شيئا بسيطاً لمنتداكم الرائع بنقلي القصيدة
حامد المطاريح
اصفج بيد ماني مهيد طول الليل ماضل حيل لية وراح مني الحيل
مني الحيل راح ولابكالي حــــال اجاني وكال اجيتك لاتكول اغفال
طعني وطاح رمحة وصاب بالدلال كتلة ادخيل كال اليوم ماكوا ادخيل
ماكوا عاني ليك ماهي بــــــوك يصيد هواي وانت الطير بالجو فوك
كتلة ارحم حنيني عليك حن النوك والمدمع يسيل عليك كت السيل
كت السيل دمعي سال بالوديان غطة البيد والشط ماح من حوران
وحك الطور والمسطور والرحمن ما ضنيت وعدك ليش عنة اتميل
عنة اتميل وعدك ليش بية تخون مدفع فاتح النهرين عندة عيون
لاوتكول سم الركط والطاعون بيهن موت واليعرض يصير اجتيل
اجتيل يصير وبعينة سهم ميشوم منة انصاب دلالي وكرهت النوم
الة مبسم يمتعب ليلو اومنضوم اية والاجد والتوراة والانجيـــــــــل
والانجيل والتوراة سمح اجعود عندة عين زركت عين حر صيود
دجلة وسبل والمشخاب وابن اسعود بالمنتفج والسراي مالة امثيل
مالة امثيل بالعربان واهل الدور عانة وهيت فوك دليم والخابور
ملك الغيد هالمسكون بس الحور منة اة واويلاة صرت نحيل
صرت نحيل بعتيبة وحرب ومطير لامشيوف لابالحي ولابالدير
حتى اكرع جليحة وعفج وال بدير حتى زبيد فوك كريش واهل النيل
لابالنيل لابالشوملي وعذار لاعند الجبور وحسجة الفوار
ابن خيون وحويزة وشط الكار لابالكوت وعمارة وبهل جنديل
بهل جنديل لاصاير ولا تصور وحاجب اة شبة هلال المكنطر
عفية جعود بيهن كام يتعثر ظلم الليل عندة خدود برك سهيل
برك سهيل بعيونة وشفت سدرة مشذر هيج مايحصل مثل شذرة
شامية وسماوة ومركز وبصرة لاعند الخزاعل وعنزة وعكيل
عند عكيل مايحصل ولايوجد ابهندية وحلة وكربلة ومشهد
يمتعب بالعشاير وصف الة محد حتى كريط فتلة لاولا بطفيل
عند طفيل مايحصل ولا زياد لابالبيد لايمكن بعد ببلاد
بطويريج ومسيب وهل بغداد وسامرة وجسر حربة وبهالي دجيل
لابدجيل صار ولاجناه اعراق ويا خلخال الميسر ابذاك الساق
لاوهواة لاوالسيد الشراق غيرة تعيش كلبي ماهوه بهل الجيل

» الشاعر الشعبي الكبير عباس الفتلاوي وبعض من نتاجه
» قصيدة (سعد) للشاعر امين ابو غربان ورد الشاعر منهل هادي ابو بيادر من عفك عليها
» اغنية الشاعر
» ابوذيات وردود الشاعر منهل هادي ابو بيادر عليها
» بعض من نتاجات الشاعر راهي سعيد ال ناطور الشبلاوي من الشاميه