ومضات .. لكنها قصائد * اهداء الى منتدى نيبور .. ضرغام العراقي

ومضات .. ولكنها قصائد

* شاعر مو مهم تعرفني كل الناس
شيفيد الشعر واخلاق ما عندي !!!

* امي كعبه ... والدليل هي كعبه ... شفت صورتهه بعبايه !!!

* مثل طفله فرحتي اتخاف من الليل
يخزرهه الحزن ويگلهه وچ نامي!

* امي ( عليها السلام )

امس للجنه فتت ... اني علماً مامتت
وشفت كل شي وما شفت!

بعد هذا اتحيرت
السبب بس تالي اعرفت ؟

تحت رجليهه نمت
تحت رجليهه نمت

* مسجون الصدگ يا ناس تدرون
واخذوا كل چذب طلقوا سراحه

للتعبان گالوا تبقه تعبان
والمرتاح تحتاج استراحه

* من مرنه الشته وماعدنه قمصان ندفه على اوراق الجرايد

وما ننشر بعد نحفظهه الاشعار شفنه النار تاكل بالقصايد

* أذا ناوي تحب وتكون ولهان
لا تخفي خجل بيك المشاعر

وأذا قصدك تحبني كون يفلان
حبني انسان لاتحبني كشاعر

* احس روحي بغيابك چنهه تمثال .. ماهمهه بعد ياهو اليمرهه!

ضرغام العراقي
www.dhrgamaliraqi.malware-site.www

تسلم يا ضرغام العراقي تحياتي وتقبل مروري

» ليش؟! .. ضرغام العراقي
» ضرغام العراقي (( أبو محتاج ))!!!
» الاخلاق .. رساله من و الى ضرغام العراقي !!!
» كل يوم وكل عام وانتم بألف ألف خير .. ضرغام العراقي
» ضرغام العراقي *الحريّـــــــه الى الانسان فقط ..* استفتاءات