جدلية الموت

[center] قد يقول القائل لاتوجد هنالك جدليات . لكن ثبت ان الجدليه قائمه حتى عاى الموت ومع الموت

جدلية الموت

لو فرضنا الموت كََرب
وحانت اليوم الوفات
ولوفرضنا الجسد امتد
وكام ينعد بالرفات
وكمت تتنازع بروحك
تريد ترجع للحياة؟؟
جاوب انته وصيغ موقف
انته عايش بالممات
هذا كَََبرك بيه ممتد
يعني ممتد بس عرات
ولو فرضنا الضغطه صارت
وين تشرد ليا حماة
ومنكر يحاسب يمينك
وكَام تشهد عليّ فات
وملك ثاني عد يسارك
كتب كلشي بهل حياة
ولو فرضنا انته ترجع
تريد ترجع للحياة؟؟؟
مره خل عقلك يفكر
شوفه هم يكَدر يدبر
وشوفه ينصح بالكَبر
لويكلك شوف جفنكَ هلكبر
ولو فرضنا هسه ميت
مشتري قطعة كَبر!!
ولو فرضنه الموت ميت
تريد تبقه بهل حياة؟؟؟
ولو فرضنه تبقى عايش
شراح تزرع من جديد!
تزهد بدنياك مره
لو يضل كلبك حديد!
لو تغش روحك بجذبه
وبلغلط تبقى عنيد
ولو اكلك انته باقي
شنو دورك بلحياة؟
كلي هم شايف جنازه
وشايف شلون الكبر؟
وحاجي وي دفان روحك
وسائله شلون الحفر؟
أعتبرهه اللحضه صارت
وانتهه هناك العمر
ومن ترد ابدي جديد
وخلي عمرك كالفجر
واصنع لكَبرك جنان
وعيش زاهد بلحياة
ولو فرضنا الموت يمك
عايش بزهد الحياة؟؟

سعد عبد محمد/الديوانيه

[b]والله يا أخ سعد لو كل واحد يحاسب نفسه يوميا لاصبحت الحياة اجمل شرط الاعتبار من الغير والموت حاكم[/b]

رائع أولآ وثانيا لو كل واحد ينظر لما ذهبت إليه القصيدة لكانت حياتنا هي الفردوس ولكن يا أخي نحن لانأخذ العبره حتى من الأحداث التي نعيشها نحن.فلينظروا إلى من ملك كل شيئ صدام أين هو الأن