سيد زغير
ياصاح شوف الوكت لملم هموم وصف
وان جان عندي وصف ماطلع بيه الوصف
أجمع توالي الليل أني بالقوافي وصف
وأذكر رجال قبل ماينحصى وصفهم
غيرة وشهامة وعدل وصدك وكرم وصفهم
صفين صارالجمع غربلهم وصفهم
ياصاح للخلان الي تفاركو صف وصف
مريض ولاتصح للمرض وصفة
والموصفه طلع مشتبه وصفة
غربل بالجمع لاردت وصفة
واللكط زينتة وذب الردية
هذا ألوكت صفين صف أصطف بصف
صف للعدل معروف وبصفه صف صف
منهل هادي يرد
تعال وتلكاعدي ادواك وصفاك
مريض ومو صح تغربلك وصفاك
اذا وكتك ركديومين وصفاك
شكريرادلله بهاي لعطيه
هذاالزمان صفوف موصف وراصف
وماينفع اعلى الراح جف ينطك بجف
سيد زغير يعقب
زماني ماعمل معروف منصف
جاب ألشين للزينين من صف
جثيرة تخرجت طلاب من صف
وأبوعشرة وأبومية سويه
منهل يعقب وهو مريض
ارجف وبيه النار جتني الرساله
يكدر يردعليك الهجي حاله
واردف قائلا
زماني وياي دكله خوش منصف
وكمت ماميزانا اشتاي من صف
صحيح الوادم اتخرجت منصف
بس لازم نميزه الاخذ ميه
سيد زغير يعقب
الحادي دوم عينة تنوج رحلة
وزماني دوم بيه تلوج رحلة
أذا كاسل وشاطرفرد رحلة
زحمة المستوى يطلع سوية
منهل يعقب
يغالي الذهب ما يرهم وصف لك
واكتب شعر من كلبي واصف لك
تعال بكلبي مدرستك وصف لك
اذا تاخذ صفر انطيك مية
وله ايضا
احبك لاكن بحبك معلم
وثوايه بكلبي الك والحد معلم
اناالتلميذ وانت احسن معلم
الصفرمنك صدك يسواله ميه
الرئيسية 
أحدث الصور 
التسجيل 
دخول 
الثلاثاء 21 أغسطس 2012, 14:23 من طرف حكمت البيداري
موضوع: مساجله بين الشاعر سيد زغير الداوودي والشاعر منهل هادي ابو بيادر 
